წესები და პირობები
1. ზოგადი დებულებები
წინამდებარე წესები და პირობები (შემდგომში – „პირობები“) არეგულირებს ვებგვერდ pitstop.ge-ით სარგებლობასა და შპს „პიტსტოპი“-ს (ს/კ 400262504) მიერ ავტონაწილებისა და მასთან დაკავშირებული პროდუქციის რეალიზაციას.
ვებგვერდზე შესვლით, რეგისტრაციით ან შეკვეთის განთავსებით მომხმარებელი ადასტურებს, რომ გაეცნო და სრულად ეთანხმება აღნიშნულ პირობებს.
თუ მომხმარებელი არ ეთანხმება პირობებს, ვებგვერდით სარგებლობა დაუშვებელია.
2. ტერმინთა განმარტება
- კომპანია / ჩვენ – შპს „პიტსტოპი“
- მომხმარებელი / თქვენ – ნებისმიერი ფიზიკური ან იურიდიული პირი, რომელიც იყენებს ვებგვერდს
- ვებგვერდი – www.pitstop.ge
- პროდუქცია – ავტონაწილები და მასთან დაკავშირებული საქონელი
- შეკვეთა – მომხმარებლის მიერ პროდუქციის შეძენის მოთხოვნა
3. ვებგვერდით სარგებლობის პირობები
ვებგვერდით სარგებლობისას მომხმარებელი ვალდებულია:
- წარმოადგინოს ზუსტი და სრული ინფორმაცია;
- დაიცვას საკუთარი ანგარიშის უსაფრთხოება და არ გადასცეს იგი მესამე პირს;
- არ გამოიყენოს სხვა პირის მონაცემები ან ანგარიში;
- არ განახორციელოს ქმედებები, რომლებიც ზიანს მიაყენებს ვებგვერდის ფუნქციონირებას;
- არ დაარღვიოს საავტორო და ინტელექტუალური საკუთრების უფლებები;
- იმოქმედოს საქართველოს მოქმედი კანონმდებლობის შესაბამისად.
კომპანია უფლებამოსილია შეზღუდოს ან შეაჩეროს წვდომა, თუ დაფიქსირდება პირობების დარღვევა.
4.რეგისტრაცია და ანგარიში
პროდუქციის შეძენა შესაძლებელია მომხმარებლის ანგარიშის შექმნის შემდეგ.
მომხმარებელი პასუხისმგებელია:
- ავტორიზაციის მონაცემების კონფიდენციალურობაზე;
- საკუთარი ანგარიშით განხორციელებულ ყველა ოპერაციაზე;
- ინფორმაციის დროულ განახლებაზე.
ანგარიშის მესამე პირისთვის გადაცემა აკრძალულია.
5. პროდუქცია და თავსებადობა
ვებგვერდზე განთავსებული პროდუქცია წარმოადგენს გასაყიდ ავტონაწილებს.
ავტონაწილის სწორად შერჩევა დამოკიდებულია ავტომობილის კონკრეტულ მახასიათებლებზე (VIN კოდი, მოდელი, წელი, ძრავის ტიპი და სხვა).
მომხმარებელი ვალდებულია შეკვეთამდე გადაამოწმოს პროდუქტის თავსებადობა.
კომპანია პასუხისმგებელია შეკვეთილი პროდუქტის სწორად მიწოდებაზე, თუმცა არ აგებს პასუხისმგებლობას მომხმარებლის მიერ არასწორი ნაწილის შერჩევაზე.
პროდუქტის ფოტოები და აღწერები შეიძლება იყოს ილუსტრაციული. მწარმოებლის მიერ დიზაინის/შეფუთვის ცვლილება არ ითვლება დეფექტად, თუ პროდუქტი შეესაბამება შეკვეთილ კოდს/დასახელებას.
6. ფასები და ხელმისაწვდომობა
- ყველა ფასი მითითებულია ლარში (GEL);
- კომპანია უფლებამოსილია შეცვალოს ფასები წინასწარი შეტყობინების გარეშე;
- პროდუქციის ხელმისაწვდომობა შეიძლება შეიცვალოს მარაგების მიხედვით;
- კომპანია უფლებამოსილია გააუქმოს შეკვეთა პროდუქტის არქონის ან ტექნიკური შეცდომის შემთხვევაში (თანხა სრულად დაბრუნდება).
7. შეკვეთა და გადახდა
შეკვეთა ითვლება მიღებულად:
- ონლაინ გადახდის წარმატებით დასრულების შემდეგ, ან
- კომპანიის მიერ დადასტურების შემდეგ.
გადახდის მეთოდები:
- საბანკო ბარათი (ონლაინ);
- ადგილზე/მიწოდებისას გადახდა (ხელმისაწვდომობის შემთხვევაში).
კომპანია არ ინახავს საბანკო ბარათის მონაცემებს. გადახდები ხორციელდება პარტნიორი ბანკის დაცული სისტემის მეშვეობით.
8. მიწოდება
მიწოდება ხორციელდება საქართველოს მასშტაბით.
მიწოდების ვადები:
- 17:00-მდე მიღებული შეკვეთები თბილისში – იმავე დღეს
- 17:00-ის შემდეგ – მომდევნო სამუშაო დღეს
- რეგიონებში – 1–3 სამუშაო დღე
მიწოდების ღირებულება:
- 100 ლარზე მეტი – უფასო
- 100 ლარზე ნაკლები – 7 ლარი
კომპანია არ აგებს პასუხისმგებლობას მიწოდების დაგვიანებაზე, თუ იგი გამოწვეულია მესამე პირის ან ფორს-მაჟორული გარემოებებით.
9. შეკვეთის გაუქმება და დაბრუნება
შეკვეთის გაუქმება შესაძლებელია განთავსებიდან 3 დღის განმავლობაში.
პროდუქტის დაბრუნება შესაძლებელია მხოლოდ იმ შემთხვევაში, თუ:
- პროდუქტი არ არის გამოყენებული ან დამონტაჟებული;
- დაცულია პირვანდელი მდგომარეობა;
- შენარჩუნებულია შეფუთვა;
- წარმოდგენილია შეძენის დამადასტურებელი დოკუმენტი.
დაბრუნებას არ ექვემდებარება:
- გამოყენებული ან დამონტაჟებული პროდუქცია;
- სპეციალური შეკვეთით შემოტანილი საქონელი;
- არასწორი მონტაჟით დაზიანებული ნაწილები;
- ელექტრო/ელექტრონული კომპონენტები გამოყენების შემდეგ.
10. პასუხისმგებლობის შეზღუდვა
კომპანია არ აგებს პასუხისმგებლობას:
- მომხმარებლის მიერ პროდუქტის არასწორი შერჩევის შედეგად მიყენებულ ზიანზე;
- ვებგვერდის დროებით ტექნიკურ შეფერხებებზე;
- მესამე მხარის ქმედებებზე;
- მიწოდების დაგვიანებაზე კომპანიისგან დამოუკიდებელი მიზეზით.
ვებგვერდით სარგებლობა ხორციელდება მომხმარებლის საკუთარი რისკით.
11. პერსონალური მონაცემები
კომპანია ამუშავებს მომხმარებლის პერსონალურ მონაცემებს მხოლოდ:
- შეკვეთის შესრულებისთვის;
- მიწოდებისთვის;
- კომუნიკაციისთვის;
- მომსახურების გაუმჯობესებისთვის.
მონაცემთა დამუშავება ხორციელდება მოქმედი კანონმდებლობის შესაბამისად.
12. ინტელექტუალური საკუთრება
ვებგვერდზე განთავსებული ყველა მასალა წარმოადგენს კომპანიის საკუთრებას. მათი კოპირება ან გამოყენება კომპანიის ნებართვის გარეშე აკრძალულია.
13. პირობების ცვლილება
კომპანია უფლებამოსილია ნებისმიერ დროს შეცვალოს წინამდებარე პირობები. განახლებული ვერსია ძალაში შედის ვებგვერდზე გამოქვეყნებისთანავე.
კაბინეტი
კატეგორია
ავტო
ძებნა
Compare
Top